காடை பாலினம் கண்டறிதல்

2 வாரத்திற்கு பிறகு, காடையின் கழுத்துப் பகுதியில் உள்ள அடையாளங்களைக் கொண்டு அவற்றின் பாலினத்தை எளிதாக அறிந்து கொள்ளலாம்.

பெண் காடை:

• கழுத்தின் கீழ்ப் பகுதியில் சற்று வெள்ளை நிற பின்னணியில் கருப்பு புள்ளிகள் இருக்கும்

• பருவம் எய்திய பிறகு, பெண் காடை மட்டுமே முட்டையிடும்

• சத்தம் எழுப்பாது

• சராசரியாகப் பெண் காடையின் எடை, ஆண் காடையை விட அதிகமாக இருக்கும்

ஆண் காடை:

• கழுத்தின் கீழ்ப் பகுதியில் சற்று பழுப்பு நிற பின்னணியில் புள்ளிகள் இருக்காது (4 வாரம் வரை சில புள்ளிகள் இருக்கும் பிறகு குறைந்துவிடும் ஆனால் பழுப்பு நிற பின்னணி என்றும் மாறாது)

• முட்டை இடாது

• சத்தம் எழுப்பும்

இதுதவிர, காடையின் பின் துவாரத்தின் அடையாளங்களைக் கொண்டும், ஆண் காடையின் சிறு நீரகத்திலிருந்து வெளியேரும் வெள்ளை நிற ஒருவகை திரவத்திலிருந்தும் அவற்றின் பாலினத்தை அறிந்து கொள்ளலாம். ஆனால், அது பருவம் எய்திய பிறகே காணமுடியும்; குளிர் காலங்களில் அத்திரவத்தினை வெளியேற்றாது.